અમ દેશ ની એ આર્ય રમણી અમર છે ઇતિહાસમાં !

અમ દેશ ની એ આર્ય રમણી અમર છે ઇતિહાસમાં !

(મહાસતી નું મહત્વ )

અનસુયા ને આંગણે, ત્રણ દેવ બાળક થઇ રમે

અસાર સંસાર ની અનુભૂતિ )શોધ કરવા ત્રણે સતીઓ , ભ્રમિત થઇ વન માં ભમે

પરખો તમે પતિદેવ ને , ઊંઘી રહ્યા આવાસ મા

અમ દેશ ની એ આર્ય રમણી અમર છે ઇતિહાસમાં !

( સત્ય પાલન )

હરીશચંદ્ર રાજાએ જુઓ , સતકારણે સંકટ સહ્યા

રાની અને રાજ કુંવર વેચ્યા , આંખે થી આંસુ ના વહ્યા

પતિ કાજ પરિતાપ સહ્યા , અંતર છતાં ઉલ્હાસમાં

અમ દેશ ની એ આર્ય રમણી અમર છે ઇતિહાસમાં !

(આજ્ઞાંકિત પુત્ર)

રઘુકુળ ભૂષણ રામ નું, ગાદી તણું મુરત હશે

આજ્ઞા પિતા ની પાળવા , એ વિકટ વનમાં જઈ વસે

ત્યાગી સુખો વૈભવ તણા , સીતા વસે સહવાસ મા

અમ દેશ ની એ આર્ય રમણી અમર છે ઇતિહાસમાં !

( પતિવ્રતા ની પરાકાષ્ઠા )

સત્ય ધર્મ સાવિત્રી તણા , જાહેર આખી જહાંન છે

ફરગ કર્યો યમ ફાંશથી, સાબિત કથા સત્યવાન છે

ચૂડો અખંડ સૌભાગ્ય નો દિગ્વિજય દ્રઢ વિશ્વાસમા

અમ દેશ ની એ આર્ય રમણી અમર છે ઇતિહાસમાં !

( ગૌ સેવાનું ફળ )

સુરભી તણી સેવા કરી , જેણે યોગ નું સાધન કર્યું

વેદાંત નું મંથન કરી , એણે ગીતા તણું સર્જન કર્યુ

એ દેવકી શ્રી કૃષ્ણ ને , જન્મ દે કારાવાસમાં

અમ દેશ ની એ
આર્ય રમણી અમર છે ઇતિહાસમાં !

( ટેકીલા પણું )

ચિતોડ ગઢથી છૂટતા, રાણો રઝળતો થઇ ગયો

અરવલ્લી માં ટકી ,એ શાહ ની સામે થયો

રાણી અને વળી રાજકુંવરો , વસ્યા જઈ વનવાસમા

અમ દેશ ની એ આર્ય રમણી અમર છે ઇતિહાસમાં !

(આત્મસંયમ ની અસ્મિતા)

તલવાર તોગે વાપરી ,વણ મસ્તકે ધડ લડ્યું

દળ બાદશાહ નું વાઢતા, જેને સવાયું પાણી ચડ્યુ

ફેરાફેરી વરમાળ ફેંકી , રહ્યો ન રાણી વાસમા

અમ દેશ ની એ આર્ય રમણી અમર છે ઇતિહાસમાં !

( દેશાભિમાન )

જગ માં વધારી જાહલે, આબરૂ કુળ આહીર ની

સિંધ માં જતા સંકટ પડ્યું તેદી વ્હાર માંગી વીરની

સુમરા હમીર ને નવઘણે, રોળ્યો હતો રણવાસમા

અમ દેશ ની એ આર્ય રમણી અમર છે ઇતિહાસમાં !

(જીવન પરિવર્તન )

વિષય ની અંધ વાસના પાછળ ગયો પત્ની તણી

પૂંછ ભૂલી પનંગ નું ઉપર ચઢ્યો દોરી ગણી

સંકેત સ્વામી ને કર્યો , તાપ ઉદય તુલસીદાસ માં

અમ દેશ ની એ આર્ય રમણી અમર છે ઇતિહાસમાં !

(અતિથિ સત્કાર )

વેધ્યો કુંવર નિજ વાણીયે , હાથે છતાં મુખડું હસે

ઇ શગાળશાહ નું નામ સુણતા, રુંવાડા ઉભા થશે

ચંગાવતી એ શીષ ખાંડયું હરખી ને ઉલ્લાસમા

અમ દેશ ની એ આર્ય રમણી અમર છે ઇતિહાસમાં !

( કાપડું )

વાળો તળાજે સૂર્યવંશી , અડીખમ એભલ થયો

અણાંનું શીષ અર્પતા , થડકાર દિલ માં ના થયો

બલિદાન આપ્યું બાળનું , બેહની તણી બરદાસ મા

અમ દેશ ની એ આર્ય રમણી અમર છે ઇતિહાસમાં !

( મલાજો )

એભલ ગયો નિજ ઓરડે , અલ્પ ઉપ હાસ્ય જ કર્યું

તેદી પોઢલે ચાંપો પારણે જણે વસ્ત્ર મુખ ઉપર ધર્યું

તેદી જીભ કરડી જોગમાયા સિધાવી સ્વર્ગવાસમા

અમ દેશ ની એ આર્ય રમણી અમર છે ઇતિહાસમાં !

( શૂરોપૂરો )

એ જનેતા ને ઉદર થંભ જસો ચાંપો થયો

મસ્તક ધર્યું મહાદેવ ને જે ઢુંઢ લઇ દળ માં ધસ્યો

લડતું પડ્યું ધડ લાઠીએ , કાઠી ગયો કૈલાશ મા

અમ દેશ ની એ આર્ય રમણી અમર છે ઇતિહાસમાં !

(વચન પાલન )

પકડી ને હઠ પરીચાગતી , સત્યાગ્રહે ચડ્યો હતો

તેદી પ્રગટ થઇ દેવી પુત્ર ને , મશાણે મળીયો હતો

દેહ પડ્યા પછી દીધો દશોંદી ને અશ્વ દાન મા

અમ દેશ ની એ આર્ય રમણી અમર છે ઇતિહાસમાં !

( શિયળ રક્ષણ )

મતિ ભ્રષ્ટ થઇ માંડલિક મોણીયે આવ્યો હતો

તે દિ નેણ હસતે નાગબાયે , ખુબ સમજાવ્યો હતો

પછી સિંહણ થઇ શિયળ રક્ષ્યું , ગ્રશ્યો એક જ ગ્રાસમા

અમ દેશ ની એ આર્ય રમણી અમર છે ઇતિહાસમાં !

( ધર્મરક્ષણ )

ધન કુખ જીજાબાઈની જ્યાં શિવાજી જનમ્યો હતો

તલવાર કેરી ધાર પર , જેણે હિંદુ ધરમ રાખ્યો હતો

પડકાર કરતી પુત્ર ને , શિવા મરજે સમર મેદાન મા

અમ દેશ ની એ આર્ય રમણી અમર છે ઇતિહાસમાં !

( રણચંડી )

લઇ તેગ લક્ષ્મી બાઈ જે , ઝાંસી તણી રાણી હતી

ઝૂઝી હતી રણ જંગમાં ,જે દુશ્મનો હણતી હતી

મર્દો સમી એ માનુની ,પણ
હતી હિન્દુસ્તાન મા

અમ દેશ ની એ આર્ય રમણી અમર છે ઇતિહાસમાં !

(સહનશીલતા)

હિસાબ નહિ હીણ કર્મ નો ,
વળી ઘાતકી પણ છે ઘણો

રીબવવા રંજાડવામાં , ગજબ નો જાદર ગણો

મૌન સેવે માક્બા, વર્ણવ્યુ ન પિયરવાસમાં

અમ દેશ ની એ આર્ય રમણી અમર છે ઇતિહાસમાં !

( અસાર સંસાર ની અનુભૂતિ )

આહીર નયના અમરના ,
પુણ્ય પૂર્વ ના ઉદય થયા

સંસાર પર ધિક્કાર છૂટ્યો , વેગ મન અટકી ગયા

કોઢ તણી સેવા કરી , દ્રઢ ભાવ દેવીદાસમા

અમ દેશ ની એ આર્ય રમણી અમર છે ઇતિહાસમાં !

( પવિત્રતા નું પ્રતિક )

મુળી તણી મથરાવટી , કપટી મળી હલકી કરે

દાનેવ જેવા દેવ ઉપર , આળ અણકલ્પી ધરે

વીખ પાત્ર પતિ કર થી લઇ , ચૂસી ગઈ એક શ્વાસ મા

અમ દેશ ની એ આર્ય રમણી અમર છે ઇતિહાસમાં !

( પ્રસુતા ની પ્રતિભા )

અણમોલ રત્નો ઉપજે, કલ્પના નાવે કોઈને

વિધિ તણી વૈવિધ્યતા , જાગે અચંબો જોઈને

પ્રતિભા જુવો પ્રસુતા તણી , ગીગો વસે ગર્ભવાસમા

અમ દેશ ની એ આર્ય રમણી અમર છે ઇતિહાસમાં !

( દાન ની દિગ્વીજયતા )

જુઓ હિંમત જલિયાણ ની , શ્રદ્ધા અચળ સાધુ પરે

ભેદી રૂપી ભામિની ની , માગણી માવો કરે

અર્પણ કરે અર્ધાંગના વરસ્યાં સુમન આકાશમા

અમ દેશ ની એ આર્ય રમણી અમર છે ઇતિહાસમાં !

(મુલ્યવાન માતા )

સૌરાષ્ટ્ર માં સાગર કિનારે , સુદામા જન્મ્યો હતો

પાવન ભૂમિ એ પોરબંદર માં કાબો ગાંધી હતો

સંસ્કાર નું સિંચન કર્યું છે , માત મોહનદાસ મા

અમ દેશ ની એ આર્ય રમણી અમર છે ઇતિહાસમાં !

( કવિ વચન )

અરજી અમારી સાંભળી , ભગવાન ભેળે આવજે

ભૂષણ બને ભારત
તણું , એવી નારીઓ નીપજાવજે

કવિ કાન કહે સુપુત્ર જન્મે , એમ ચાહું શ્વાસોશ્વાસમા

અમ દેશ ની એ આર્ય રમણી અમર છે ઇતિહાસમાં !

– કવિ કાન

Subscribe to Blog via Email

Enter your email address to subscribe to this blog and receive notifications of new posts by email.

Join 1 other subscriber

Comments

comments

Leave a Reply

error: Content is protected !!